MANILA, Philippines – Humiling ang National Privacy Commission (NPC) sa Jollibee Foods Corporation at Viber na ipaliwanag ang kanilang Christmas campaign matapos makatanggap ng reklamo mula sa mga gumagamit.
Iniulat ng mga Viber user na lumilitaw ang Jollibee logo tuwing nagta-type sila ng “Christmas” sa mga mensahe sa kanilang mga mahal sa buhay, at lumalabas din ang marketing materials tulad ng digital stickers sa private chats.
Sinusuri ng NPC kung ang kampanya ay may kinalaman sa pagproseso ng personal na datos alinsunod sa Data Privacy Act of 2012.
“If the campaign involves the processing of personal data, [personal information controllers] must ensure adherence to the principles of transparency, legitimate purpose, and proportionality,” ayon sa NPC.
“In such cases, consent must be specific and freely given, and data subjects must be afforded the right to object to the processing of their information for direct marketing purposes,” dagdag pa ng ahensya. Dave Baluyot
