MANILA, Philippines – Nahaharap sa reklamong administratibo sa less grave neglect of duty at conduct unbecoming of a police officer ang isang police brigadier general, ayon sa National Police Commission (NAPOLCOM).
Sa pahayag na inisyu nitong Martes, Enero 6, sinabi ni NAPOLCOM vice chairperson at executive officer Rafael Vicente Calinisan na ang reklamo ay nag-ugat sa dalawang insidente.
Una, ani Calinisan, si Police Brigadier General Jezebel Imelda Medina, bilang Health Service director, ay bigong makapagpasa ng kaukulang psychiatric at psychological examination (PPE) report ng isa pang pulis sa Quezon City.
Hiniling ang police patrolman na isailalim sa psychiatric at psychological assessment na inakusahan ng paglahok sa seditious vlogging activities.
“Such refusal directly undermines the Commission’s constitutional and statutory authority to exercise administrative control and supervision over the Philippine National Police,” ayon sa NAPOLCOM.
Ikalawa, sinabi ni Calinisan na ang reklamo ay nag-ugat din sa umano’y pagpapakita ni Medina ng mamahaling footwear na nagkakahalaga ng P70,599 habang nakasuot ng PNP uniform.
Ang halagang ito ay halos katumbas na ng basic salary ng isang police brigadier general sa isang buwan.
“This act raises serious concerns on modest living and ethical conduct, standards required of all public servants and most especially of senior police officers whose actions set the tone for the entire organization,” ani Calinisan.
Wala pang tugon si Medina kaugnay nito.
“This case underscores the Commission’s firm resolve that rank does not shield anyone from accountability, and that any act that erodes public trust in the police institution will be investigated and addressed in accordance with the law,” pagtatapos ni Calisan. RNT/JGC
