MANILA, Philippines – Pinangunahan ni Pangulong Ferdinand Marcos Jr., ang tinatawag na ‘donning of rank’ ni Rear Admiral Andro Val Abayon bilang Commander ng Presidential Security Command.
Si Abayon ay itinalaga ng Pangulo bilang 43rd commander ng PSC noong Nov. 20, 2025.
Pinalitan ni Abayon si Maj. Gen. Peter Burgonio na itinalaga naman bilang acting division commander ng 8th Infantry Division.
Mula sa ranggo ng commodore sa Philippine Navy, si Abayon ay pormal na itinaas sa ranggo na rear admiral matapos ang kanyang donning ceremony na isinagawa sa Malacañan Palace, araw ng Lunes, Enero 12.
Itinalaga ni Pangulong Marcos si Abayon sa ranggo ng rear admiral noong Jan. 5, 2026.
Humawak din si Abayon ng multiple key positions sa AFP, kabilang na ang Commander ng Naval Special Warfare Force; Commandant ng Special Intelligence Training School of the Intelligence Service, AFP; Director ng AFP Leadership Development Center; Commander ng Philippine Navy Special Operations Group; at Director ng Maritime Research Information Center, Naval Intelligence and Security Force.
Dati rin siyang group commander ng Naval Intelligence and Security Group-Western Mindanao.
Nagtapos si Abayon mula sa Philippine Military Academy in 1994.
Dumalo rin siya sa Joint Military Intelligence Training Center sa Washington D.C., USA noong 2016; AFP Command and Generals’ Staff Course noong 2017; Development Academy of the Philippines noong 2017; US Naval War College noong 2020; at National Defense College of the Philippines noong 2022. (KRIS JOSE)
