MANILA, Philippines – Binigyang-diin ni Pangulong Ferdinand Marcos Jr. ang inisyatiba ng Pilipinas sa pagsusulong ng malinis na enerhiya, kasabay ng muli niyang pagpapatibay sa commitment ng bansa sa “renewable energy expansion, nuclear safety, at science-driven sustainability.”
Inihayag ito ng Pangulo sa Abu Dhabi Sustainability Week (ADSW), partikular sa kanyang keynote address sa ADSW dialogue na “Next Leap: Global South Infrastructure.”
Nasa Abu Dhabi para sa kanyang two-day working visit, tinukoy ni Pangulong Marcos ang policy reforms, international partnerships, at landmark investments ng bansa upang mapabilis ang clean energy transition ng Pilipinas at palakasin ang papel nito sa global climate action.
Sinabi pa ng Pangulo na handa ang Pilipinas na makatrabaho ang international community at civil society “to realize a brand of development that is impactful, scalable, and inclusive.”
Partikular, idinetalye ng Pangulo ang mga inisyatiba na magpapalakas sa renewable energy development, kabilang ang fiscal incentives, streamlined regulations, at innovative financing mechanisms gaya ng Green Bonds at Renewable Energy Trust Fund.
Tinukoy din niya ang paglagda sa Republic Act 12305 o Philippine National Nuclear Energy Safety Act, na nagtatag ng comprehensive framework ng bansa para sa ligtas, secure, at mapayapang paggamit ng nuclear technology.
“This provides a stable and predictable environment for scientists and industries to innovate safely and responsibly. It also signals the Philippines’ readiness to deepen science-driven cooperation with global partners,” ayon sa Pangulo.
Tinuran din ng Pangulo ang lumalagong papel ng Pilipinas sa science-based solutions, gaya ng pagho-host nito sa kauna-unahang International Atomic Energy Agency (IAEA) High-Level Forum on Nuclear Technology for Controlling Plastic Pollution sa buong bansa, na magsusulong sa public-private partnerships at inobasyon para sa “circular at sustainable technologies.”
Ayon sa Pangulo, ang aktibong partisipasyon ng Pilipinas sa International Renewable Energy Agency (IRENA) Assembly sa Abu Dhabi noong Enero ng nakaraang taon ay “proof of the government’s commitment to clean energy and sustainable technology.”
Samantala, sinabi ng Pangulo na pinagtibay ng bansa ang transformative partnership nito sa UAE sa global drive tungo sa sustainability noong panahon ng ADSW noong nakaraang taon.
Sa pamamagitan ng landmark agreements kasama ang Masdar, UAE’s flagship renewable energy company, “the Philippines secured commitments to develop up to 10 gigawatts of renewable energy capacity backed by $15 billion worth of investments.”
“These projects are expected to diversify the country’s energy mix, strengthen energy security, create green jobs, and accelerate technology transfer,” ayon sa Pangulo.
Binigyang-diin pa rin ni Pangulong Marcos ang napipintong chairship ng Pilipinas sa Association of Southeast Asian Nations (ASEAN) na may temang “Navigating Our Future, Together,” at nagpahayag na ang teknolohiya at sustainability ay magiging sentro ng regional leadership agenda ng bansa.
“I assure everyone that we will promote a people-centered and future-ready ASEAN, with strengthened cooperation on climate resilience, digital transformation, and the responsible use of emerging technologies, including artificial intelligence,” ayon sa Pangulo.
“I look forward to your support in realizing a vision of an ASEAN that is agile, inclusive, and capable of contributing meaningfully to global solutions,” dagdag pa niya. Kris Jose
