MANILA, Philippines – Tinipon ni Executive Secretary Ralph Recto ang ilang Cabinet secretaries nitong Lunes, ilang araw matapos niyang itanggi ang mga usap-usap tungkol sa “revamp” ng gabinete.
Ayon sa press release, ang pagpupulong ay upang “ensure the strategic alignment of the 2026 National Budget with the administration’s priorities and development agenda.”
Pinabulaanan ni Recto ang mga balitang magkakaroon ng ibang Cabinet shake-up sa administrasyon ni Pangulo Ferdinand Marcos Jr.
Ngunit binigyang-diin niya na “all appointees serve at the pleasure of the President, and their performance is subject to constant review by the Office of the President.”
Nag-umpisa si Marcos Jr. ng unang Cabinet reshuffle noong kalagitnaan ng 2025 matapos na matalo ang kalahati ng senatorial slate ng administrasyon sa midterm election.
Nagtalaga rin ang Pangulo ng ilang bagong Cabinet members matapos ang akusasyon sa dating Executive Secretary Lucas Bersamin at dating Budget Secretary Amenah Pangandaman kaugnay ng mga isyung korapsyon sa pampublikong proyekto. RNT/MND
