MANILA, Philippines – Nanatili sa Estados Unidos ang dating Kalihim ng Public Works na si Manuel Bonoan, ngunit nangako siyang babalik sa Maynila sa Pebrero 15 upang harapin ang mga paratang sa umano’y partisipasyon niya sa multi-billion peso flood control irregularities, ayon kay Philippine Ambassador to Washington Jose Manuel Romualdez nitong Biyernes.
Sinabi ni Romualdez sa Super Radyo DZBB na kasalukuyang nasa California si Bonoan at humiling ng pahintulot na manatili pa ng isang buwan dahil may problema sa mata ang kanyang asawa.
“We know where he is. He’s not hiding. He’s in California now and he asked for permission if he can stay for another month because his wife has eye problems,” ani Romualdez.
“He’s asking for until after February. He’ll be back there on the 15th,” dagdag pa niya. RNT
