MANILA, Philippines – Bagamat dinismiss na ng
House Committee on Justice ang dalawang impeachment complaint laban kay Pangulong Ferdinand Bongbong Marcos Jr. dahil hindi pumasa sa “sufficieny in substance” ay maaari pa itong buhayin ng House Plenary, ayon kay Committee Chairman Batangas Rep. Gerville Luistro.
Ayon kay Luistro, ang kanilang committee report na nagbabasura sa impeachement ay kanilang isusumite sa Plenary, sa oras na matalakay ito ay may kapangyarihan ang House Plenary na tanggapin o baliktarin ang kanilang report.
“We should be mindful that the committee report can still be reversed by at least one-third of all the members of the House of Representatives,” ani Luistro.
Sa Lunes, Pebrero 9, target na maisumite ng komite ang kanilang report.
Sa naging botohan, 42 miyembro ng House Committee on Justice ang bumoto na hindi pasado sa “substance” ang unang immpeachment complaint habaang 39 naman ang bumoto sa ikalawang impeachment.
Upang mabaliktad ang committte report ay kailangan ng 106 na boto sa House Plenary. Gail Mendoza
