MANILA, Philippines – Dumating si dating Senador Ramon “Bong” Revilla Jr. sa Sandiganbayan nitong Lunes kasama ang ibang dating opisyal ng DPWH Bulacan 1st DEO para sa arraignment sa kanilang malversation case kaugnay ng umano’y ghost flood control project sa Pandi, Bulacan.
Ayon sa prosecution, pinagsamantalahan ng mga akusado ang P76 milyon na pondo para sa proyektong hindi naipatupad kahit idineklara nang kumpleto.
Na-tag si Revilla sa kaso matapos igiit ni dating DPWH Usec. Roberto Bernardo na tumanggap siya ng kickbacks kapalit ng endorsement sa mga flood control projects.
Dati nang na-acquit si Revilla sa plunder charges kaugnay ng umano’y maling paggamit ng Priority Development Assistance Fund (PDAF). RNT/MND
