MANILA, Philippines – PINABULAANAN ng Department of Foreign Affairs (DFA) na ang pagtatalaga ng bagong tagapagsalita para sa maritime affairs ay may kinalaman sa ‘word war’ sa pagitan ng Chinese Embassy at ilang Philippine public officials.
Sinabi ni DFA spokesperson Angelica Escalona, ang papel ng bagong maritime affairs spokesperson ay nilikha upang bigyang importansiya ang “how the DFA advances the Philippine interest in the maritime domain.”
Ang pagpapabula ay matapos na italaga si DFA’s Acting Deputy Assistant Secretary for Maritime and Ocean Affairs Office Rogelio Villanueva bilang maritime affairs spokesperson.
At nang tanungin kung nilikha ang posisyon sa gitna ng umiigting na word war sa pagitan ng Chinese ambassador at Chinese Embassy, at Philippine government officials, ang tugon ni Escalona ay “Not really. As I said, we go back to the statement: We want to give this the importance it deserves. It’s much more technical compared to my job, so it probably is better that we have another spokesperson.”
Matatandaang, nang magsimula ang 2026, may ilan nang umusbong na maiinit na pagpapalitan ng salita sa pagitan ng Chinese diplomats at Filipino officials kaugnay sa territorial row sa South China Sea. Kris Jose
