FRANCE – Isang babae sa kanyang 50s ang inaresto ng French Police matapos matagpuan ang dalawang bagong silang na sanggol na walang buhay sa freezer sa Aillevillers-et-Lyaumont sa silangang France.
Ayon sa ulat, isang lalaki ang nakapansin ng isa sa mga sanggol sa kanyang freezer at tumawag sa pulisya noong Martes. Nang dumating ang mga awtoridad, natuklasan din ang pangalawang katawan ng sanggol.
Pinaghihinalaan ang ina, na iniwan ang tahanan nang walang abiso, at nahuli sa Boulogne-Billancourt malapit sa Paris. Pinaniniwalaang siya rin ang ina ng siyam na anak mula sa dalawang relasyon. RNT/MND
