MANILA, Philippines – Suspendido ang face-to-face classes sa lahat ng antas sa pampubliko at pribadong paaralan mula Pebrero 25 hanggang 27 kasabay ng pagho-host ng lungsod sa key meeting kaugnay sa 2026 Association of Southeast Asian Nations (Asean) Summit.
Inaprubahan ni Mayor Raisa S. Treñas ang suspensyon kasunod ng rekomendasyon ng Iloilo City Police Office, upang paluwagin ang trapiko at masiguro ang seguridad kasabay ng 49th High-Level Task Force on Asean Economic Integration meeting.
Sakop ng tatlong araw na suspensyon ang lahat ng antas at bahagi ng heightened preparations para sa high-level international gathering, na inaasahang dadaluhan ng mga delegado at representative mula sa ASEAN member states at partner institutions.
“This proactive measure is intended to help ease traffic congestion and ensure the safety and security of delegates, residents, and our students during this high-level international gathering,” ani Treñas sa pahayag na inilabas ng Iloilo City Public Information Office.
Hinimok ang mga paaralan na magsagawa muna ng online o alternative learning modalities upang hindi maantala ang pag-aaral ng mga estudyante. RNT/JGC
