MANILA, Philippines – Ayon sa pahayag ng pamilya ni Rodrigo Duterte, wala pang in-person family visits ang pinahintulutan ng International Criminal Court habang isinasagawa ang confirmation of charges hearings mula Pebrero 23 hanggang 27. Pinahihintulutan lamang ang mga tawag sa telepono.
Ani pamilya, dadalo sa hearings ang anim na abogado upang matiyak na maayos siyang marepresenta ng Filipino legal team: Salvador Medialdea, Martin Delgra III, Silvestre Bello III, Alfredo Lim Jr., Caesar Dulay, at Salvador Panelo.
“We thank the legal team for their continued dedication and professionalism during this critical time,” ani ng pamilya.
Nagpasalamat rin ang pamilya sa Filipino community sa The Hague “for ensuring a platform where the voice of every Filipino who speaks out against this injustice is heard.”
Ayon sa ICC, ang sessions ay gaganapin mula 10 a.m. hanggang 3 p.m. local time (5 p.m. hanggang 10 p.m. sa Pilipinas) sa Courtroom I, Pre-Trial Chamber I. Kasalukuyang nakakulong si Duterte sa Scheveningen Prison dahil sa kasong crimes against humanity kaugnay ng anti-drug campaign ng kanyang administrasyon.
Batay sa datos ng pamahalaan, mahigit 6,000 drug suspects ang napatay sa police operations, habang tinatayang umabot sa 30,000 ang kabuuang bilang ayon sa human rights groups. RNT/MND
