MANILA, Philippines – Nagbabala ang Bureau of Fisheries and Aquatic Resources (BFAR) sa presensya ng toxic red tide sa ilang coastal waters ng bansa.
Sa pinakabagong Shellfish Bulletin No. 04, Series of 2026, kinumpirma ng BFAR ang positibong paralytic shellfish poison levels sa Dumanquillas Bay sa Zamboanga del Sur, Tantanang Bay sa Zamboanga Sibugay, at Matarinao Bay sa Eastern Samar.
“All types of shellfish, including Acetes sp. (alamang)collected from these waters are unsafe for human consumption,” saad sa pinakahuling abiso ng BFAR.
Iginiit na ang pagkain ng kontaminadong shellfish ay mapanganib sa kalusugan.
Nilinaw naman ng BFAR na ang isda, pusit, hipon at alimango mula sa mga apektadong baybayin ay nananatiling ligtas kainin basta’t ito ay sariwa at nalinis nang mabuti. RNT/JGC
