TEHRAN, Iran – Tinamaan ng Israeli at US airstrikes noong Martes ang gusali ng Assembly of Experts sa Qom, Iran, na responsable sa pagpili at pag-monitor ng susunod na Supreme Leader ng bansa, ayon sa lokal na media.
Nauna nang napatay ang dating lider na si Ayatollah Ali Khamenei sa isang serye ng US-Israeli attacks noong Sabado.
Ayon sa Tasnim News Agency, “The American-Zionist criminals attacked the Assembly of Experts building in Qom.”
Ipinakita ng mga footage ang matinding pinsala sa gusali, ngunit walang ulat tungkol sa mga nasaktan o nasawi.
Iniulat ng Mehr News Agency na hindi na ginagamit ang gusali para sa mga pagpupulong. Naunang tinarget ng mga airstrikes ang pangunahing headquarters ng Assembly of Experts sa Tehran noong Lunes.
Sinabi ng Iran na nagsimula na ang proseso ng transisyon matapos makumpirma ang pagkamatay ni Khamenei. Kasama sa plano ang pagtatatag ng interim leadership council na binubuo ng pangulo, pinuno ng hudikatura, at isang jurist mula sa Guardian Council. Ang Ali Larijani ay gaganap din ng pangunahing papel.
Ang interim council ang mangunguna sa bansa habang hinahanap ang permanenteng kapalit ng Supreme Leader. RNT/MND
