MANILA, Philippines – Sa pamamagitan ng botong 54 sa mga miembro ng House Committee on Justice ay nakitaan na ang ikatlo at ang ika-apat na impeachment complaint laban kay Vice President Sara Duterte ay sufficient in substance, na sapat upang umusad ito sa susunod na pagdinig.
Uusad na sa pagpiprisinta ng ebidensya ang impeachment laban kay Vice President Sara Duterte matapos ideklara ng House Committee on Justice na sufficient in form ang ikatlo at ikaapat na impeachment complaint.
Sa press conference matapos ang botohan ay sinabi ni Batangas Rep. Gerville Luistro na may 10 araw ang kampo ni Duterte upang sagutin at tugunin ang mga alegasyong nakapaloob sa impeachment complaint.
Sa unang araw ng pagdinig ay nadetermina na ng komite ang sufficiency in form sa natirang dalawang reklamo matapos na i-withdraw ang una at maibasura naman ang pangalawang inihaing impeachment ng Makabayan Bloc.
Ang ikatlong reklamo ay inihain ng paring si Fr. Jose Saballa na inindorso naman ni ML Party-list Rep. Leila de Lima, na nag-aakusa kay VP Sara ng pag-abuso diumano sa paggamit ng confidential funds, pagsusumite ng kwestyunableng liquidation documents, at korapsyon na naganap habang ito ay kalihim pa ng Department of Education.
Kabilang din sa alegasyon dito ang pagbabanta ng pangalawang pangulo ng umano’y pagpatay o asasinasyon kay Pangulong Marcos, Jr., First Lady Liza Araneta Marcos at dating Speaker Ferdinand Martin Romualdez.
Ang ikaapat na reklamo ay inendorso naman nina Deputy Speaker Paolo Ortega V at Manila Rep. Bienvenido “Benny” Abante Jr., ang alegasyon ay nakasentro naman sa pagkakakaroon ni Duterte ng unexplained wealth at hindi pagdedeklara ng tama sa kanyang Statements of Assets, Liabilities, and Net Worth.
“We adopted the deliberation that we had in the prior impeachment proceedings—that is, by going over all the grounds, only to give a better and wider perspective to all the justice members to come up with their individual judgment,” ani Luistro.
Kasunod ng pagdedeklara na sufficient in substance ang dalawang reklamo ay magpapalabas ng notice ang komite kung saan inaatasan si Duterte na magbigay ng kanyang sagot sa mga alegasyon sa loob ng 10 araw.
Sa oras na maisumite ni Duterte ang kanyang sagot ay mayroon namang 3 araw ang complainants para isumite ang kanilang reply na ipararating din kay Duterte na bibigyan muli ng 3 araw para maghain ng kanyang rejoinder.
Ipinaliwanag ni House Committee on Justice Chairperson Gerville Luistro na mahalaga ang proseso ng pagsusumite ng ebidensya.
“Both complaints, having been declared sufficient in substance, allow for the filing of affidavits and counter-affidavits. Complainants must notify the committee when submitting such documents, as witnesses are required to be sworn in before the Justice Committee” paliwanag ni Lusitro.
“Once all evidence and responsive pleadings are completely gathered, the committee will then determine whether there is sufficient ground to support the impeachment complaints,” dagdag nito.
Ang susunud na proseso na gagawin ng komite ay pagdetermina ng “sufficieny in grounds” at ang kasunud ay ang pagdetermina sa probable cause. Saka pagbobotohan ang committee report na syang isusumite sa House Plenary (Meliza Maluntag / Gail Mendoza)
