MANILA, Philippines – Hinimok ng Makabayan bloc si Vice President Sara Duterte na harapin ang pagdinig ng House Committee on Justice kaugnay sa maling paggamit ng confidential funds.
Kasabay nito ay tinawag din na gasgas na script ng Makabayan bloc ang pagsasabi ni Duterte na ito ay uri ng political weapon at conspiracy laban sa kanya.
“These are rehashed lines—’gasgas na script’—meant to evade accountability by playing the victim,” ayon sa Makabayan bloc.
Ang Makabayan bloc, ay binubuo nina ACT Teachers Rep. Antonio Tinio, Gabriela Women’s Party Rep. Sarah Elago, and Kabataan Rep. Renee Co, na nagsabing “[l]abeling congressional oversight as a ‘fishing expedition’ does not erase the questions; it only strengthens the need for scrutiny.”
“Confidential funds involve public money. When millions are requested, rushed, and shrouded in secrecy, the Filipino people have every right to demand answers,” anila.
Itinanggi ni Duterte ang lahat ng mga alegasyon at sinabing ito ay mga hakbang laban sa kanyang pagtakbo bilang presidente sa 2028 elections.
Kinontra naman ng mga mambabatas ang pahayag ni Duterte na ang mga impeachment complaint na kanyang kinakaharap ay nauna bago ang mga ebidensya ng alegasyon.
Anila, ang mga “red flag” ang nagdulot ng mga kwestyon sa laki ng pondo, bilis ng paglalabas nito, paraan ng paggamit, at safeguards.
Ang mga ito anila ay “issues that demand clear answers precisely because confidential spending is difficult to independently verify.”
Dinagdag pa ng Makabayan na ang paulit-ulit na pagtukoy ni Duterte sa unmodified options ng Commission on Audit ay misleading, dahil ang mga ito ay “not a blanket certification that no wrongdoing occurred, especially when the spending category limits disclosure.”
Nag-isyu ng unmodified opinion ang COA para sa Office of the Vice President noong Hunyo 2025 at sinabing nakita nitong “accompanying financial statements present fairly, in all material respects, the financial position of OVP as of December 31, 2024.”
Ang unmodified opinion ay iniisyu ng auditor “concludes that the financial statements are prepared, in all material respects, in accordance with the applicable financial reporting framework.” RNT/JGC
