MANILA, Philippines – Ayon sa AFP spokesperson Rear Adm. Roy Vincent Trinidad, hindi nagbabago ang suporta ng Estados Unidos sa Pilipinas kahit na ire-deploy ang ilang missile systems mula South Korea patungong Middle East.
Aniya: “Our alliance with the US continues to strengthen and there has been no change in the level of support being provided.” Dagdag pa niya, “There are no indications of the US pulling out military assets from the Philippines.”
Kabilang sa mga US assets sa bansa ang Typhon (Mid-Range Capability) missile system at ang Navy-Marine Expeditionary Ship Interdiction System (NMESIS), na ginamit sa mga military exercises tulad ng Balikatan.
Ipinaliwanag ni Trinidad na ang redeployment sa South Korea ay hiwalay sa sitwasyon ng Pilipinas: “The situation in South Korea involves specific air defense systems being redeployed to the Middle East, which is a separate theater arrangement and does not apply here.”
Binanggit din niya ang Philippine Enhanced Resilience Act na inaprubahan ng US Congress noong Disyembre 2025, na nagbibigay ng $2.5 bilyon para sa security assistance sa susunod na limang taon.
Aniya rin, “EDCA sites are Philippine bases with facilities dedicated to mutual defense and humanitarian assistance, and are not to be used as staging areas for offensive operations.”
Ang Pilipinas at US ay nasa ilalim ng Mutual Defense Treaty (MDT) ng 1951, na obligadong tulungan ang isa’t isa sakaling may armadong pag-atake. RNT/MND
