MANILA, Philippines – Ayon kay Interior and Local Government Secretary Jonvic Remulla, rerebisyonin ng kanyang departamento ang listahan ng mga barangay na diumano’y “drug-infested.”
Sinabi ni Remulla na tinalakay niya ito kasama si PDEA Director General Isagani Nerez at PNP Chief Gen. Jose Melencio Nartatez Jr..
Aniya: “It’s about time that we revisit the list of drug-infested barangays. We will do so immediately. We will start revisiting the list next week.”
Dagdag niya: “The old list, (prepared) before 2022, was political in nature. Now, we really are going after the real distributors and the real users.”
Noong Enero 2025, idineklara ng PDEA na 29,390 sa 42,000 barangay sa bansa ay “cleared” na sa droga.
Kasabay nito, pinangasiwaan nina Remulla, Nerez, at Nartatez ang turnover ng 910 kilograms ng shabu na nasamsam mula sa isang abandoned speedboat sa Paluan, Occidental Mindoro. RNT/MND
