MANILA, Philippines – Dumating sa Ninoy Aquino International Airport noong Sabado ng madaling araw ang mga labi ng OFW na si Mary Ann De Vera, na nasawi sa isang missile attack sa Israel.
Ang labi ni De Vera, na nakalagay sa espesyal na container na may watawat ng Israel, ay dumating alas-4:30 ng umaga at sinalubong ng kanyang partner na si Bernie Lavarias. Nasugatan siya nang malubha ng shrapnel noong Pebrero 28 sa Tel Aviv habang tinutulungan ang isang nakatatandang babae na makarating sa bomb shelter.
Inasikaso ng Department of Migrant Workers (DMW) at Overseas Workers Welfare Administration (OWWA) ang maayos na repatriation at ang transportasyon mula Manila papunta sa kanyang probinsya sa Pangasinan.
Sa isang seremonya pagdating, nagtipon ang mga miyembro ng DMW, OWWA, at komunidad ng mga Pilipino kasama ang pamilya ng yumaong OFW. “Farewell, kabayan. Your sacrifice will not be forgotten,” ayon sa pahayag ng DMW. RNT/MND
