MANILA, Philippines – Napanatili ng Pilipinas ang paglago ng cash remittances noong Enero sa pagtaas sa 3.5 percent year-on-year, iniulat ng Bangko Sentral ng Pilipinas nitong Lunes, Marso 16.
Sa datos ng BSP, nakita na ang remittances na ipinadala sa mga bangko ay umabot sa $3.02 billion sa pagsisimula ng taon, mas mataas sa $2.92 billion sa kaparehong buwan noong 2025.
Ang bilis ng paglago ay mas mabilis kumpara sa 3.3 percent na expansion na naitala noong Disyembre.
Samantala, ang personal remittances ay lumago ng 3.5 percent sa $3.36 billion mula $3.24 billion sa nagdaang taon.
Nananatiling top source ng cash remittances sa Pilipinas ang Estados Unidos, sinundan ng Singapore at Saudi Arabia. RNT/JGC
