MANILA, Philippines – “Doesn’t seem like an answer”
Ganito isinalarawan ni House Committee on Justice Chairman at Batangas Rep Atty. Gerville Luistro ang isinumiteng Verified Answer ni Vice President Sara Duterte sa impeachment complaint laban sa kanya.
“Apparently for me, it doesn’t seem like an answer. While I was reading the answer, it looks like a motion to dismiss,” pahayag ni Luistro kung saan nilinaw nito na ang ganitong uri ng pleading ay hindi pinapayagan sa ilalim ng House rules.
“Maliwanag sa ating rules of impeachment ng House of Representatives that motion to dismiss is a prohibited pleading dito sa impeachment proceeding,” paliwanag ni Luistro.
Ani Luistro walang sinagot si Duterte sa mga akusasyon laban sa kanya na nakapaloob sa impeachnment.
“Hindi siya responsive dun sa grounds, dun sa offenses alleged in the impeachment complaint. In effect, parang hindi sumagot and instead they are questioning the proceeding before the Justice Committee in support of their intention to dismiss the impeachment complaint,”pahayag ni Luistro.
Ipinaliwanag ni Luistro na dahil hindi sinagot ni Duterte ang mga paratang laban sa kanya ay lalabas na tinatanggap nya ang mga ito.
“Ngayon considering that the answer is not responsive to the complaint, it appears like unrebutted ang mga allegations ng complainant. Kumbaga since hindi sinagot directly, it is as if tinanggap ang allegations na ito” ani Luistro.
Samantala sinabi naman ni House Committee on Good Government and Public Accountability Chair Joel Chua na katotohanan ang syang hanap ng taumbayan at hindi nila ito nakukuha sa mga aksyon at sagot ni Dutrte.
“The Filipino people deserve the truth. What we see in the Verified Answer is not a direct response to the allegations, but an attempt to avoid a full discussion of the evidence,” ani Chua.
Nilinaw ni Chua na ang House Committee on Justice ay hindi magdedetermina kung guilty o hindi si Duterte dahil ito ay gagampanan ng Senado sa oras na maupo bilang trial court. Gail Mendoza
