MANILA, Philippines — Nangako ang mga ferry at bus operators na hindi magtataas ng pamasahe at hindi magbabawas ng biyahe ngayong Semana Santa, ayon kay Pangulong Ferdinand R. Marcos Jr., sa gitna ng patuloy na pagtaas ng presyo ng langis.
Sa panayam ng Bloomberg, sinabi ng Pangulo na prayoridad ng pamahalaan ang kapakanan ng mga mananakay at middle class habang nararanasan ang krisis sa enerhiya.
“We’ve gotten commitments from ferries that they will not raise their fares, we’re doing the same thing with buses that they will not raise their fares and they do not limit or cut down the trips they will be taking,” aniya.
Binigyang-diin ni Marcos na nagsasagawa ang pamahalaan ng fuel at cash subsidies upang suportahan ang mga operator at manggagawa sa transport sector.
“We’re doing everything we can so the riding public, the general public, the people who are working, the middle class, they are the ones we are most concerned about, so it does not become a drag to their livelihood,” dagdag niya.
Ayon sa Pangulo, maglalabas ang pamahalaan ng humigit-kumulang P2.5 bilyon para sa fuel subsidies sa mga susunod na araw, at may apat na round ng tulong na nakaplanong ipatupad.
“In the next two days, we’re going to be spending about 2.5 billion pesos in fuel subsidies. We have planned four of those rounds of subsidies,” aniya.
Saklaw ng subsidiya ang mga operator at driver ng ferry, bus, pampublikong transportasyon, at delivery services.
Nauna nang nilagdaan ni Pangulong Marcos ang Executive Order No. 110 na nagdedeklara ng state of national energy emergency, kasama ang UPLIFT framework bilang kabuuang tugon ng pamahalaan sa epekto ng mataas na presyo ng petrolyo. Kris Jose
