18 turista inilikas sa grass fire sa Mt. Kabunian sa Benguet

MANILA, Philippines – Inilikas ang 18 turista sa grass fire sa Mt. Kabunian, Bakun, Benguet.

Ayon sa ulat, ang mga turista ay nasa bundok nang magsimula ang sunog noong Huwebes Santo.

Wala namang iniulat na nasaktan sa insidente.

Sa inisyal na imbestigasyon, ang sunog ay dahil sa mainit na panahon.

Pansamantalang sinuspinde ng lokal na pamahalaan ang hiking at trekking activities sa naturang bundok.

Samantala, sumiklab naman ang hiwalay na wildfire sa Mt. Lamesang Bato sa Batangas.

Tumagal ito ng limang oras at umabot sa unang alarma bago tuluyang naapula.

Wala namang nasaktan sa insidente.

Iniimbestigahan na ng mga awtoridad ang sanhi ng sunog at lawak ng pinsala nito. RNT/JGC