MANILA, Philippines – Sinabi ng Civil Aviation Authority of the Philippines (CAAP) na isinusulong nito ang paggamit ng sustainable aviation fuel (SAF) sa pagbawas ng carbon emissions ng hanggang 80%.
Ayon sa CAAP, layon ng inisyatiba na bawasan ang aviation carbon emissions ng 65% hanggang 80% kasabay ng “safely” blending sa conventional jet fuel.
Sinabi ng ahensya na ang Pilipinas ay “well-positioned” sa transition sa paggamit ng SAF dahil sa matibay na agricultural sector nito partikular ang rice at coconut production.
Ang waste materials ng mga produktong ito, ayon sa CAAP, ay maaaring ma-convert bilang aviation fuel.
Noong Marso 24 ay nag-organisa ang CAAP sa industry stakeholders para talakayin ang usaping ito.
Tumutok ang 2026 Sustainable Aviation Fuel Policy Development Workshop sa feedstock availability, production technology, capacity-building, regulatory support, airline participation at investment opportunities na kailangan para suportahan ang SAF adoption sa Pilipinas.
“We reaffirm our commitment in making SAF adoption more viable and accessible, leveraging collaboration between government, industry, and private partners to shape a sustainable and forward-looking Philippine aviation sector,” saad sa pahayag ni CAAP Director Raul Del Rosario. RNT/JGC
