MANILA, Philippines – Magbibigay ang Light Rail Transit Authority (LRTA) ng libreng sakay sa LRT-2 para sa publiko sa Huwebes, Abril 9, 2026, bilang paggunita sa ika-84 na anibersaryo ng Araw ng Kagitingan.
Sa advisory na inilabas nitong Lunes, sinabi ng LRTA na maaaring makakuha ng libreng sakay ang mga pasahero mula alas-7 ng umaga hanggang alas-9 ng umaga at mula alas-5 ng hapon hanggang alas-7 ng gabi.
Ang anunsyo ay kasunod ng naunang pahayag ng Metro Rail Transit 3 na magbibigay rin ito ng libreng sakay para sa mga beterano mula Abril 6 hanggang 11.
Ang Araw ng Kagitingan, na ipinagdiriwang tuwing Abril 9, ay isang regular holiday. Santi Celario
