MANILA, Philippines – Bubuo ng task force ang National Police Commission (Napolcom) para imbestigahan ang ulat ng umano’y hazing sa Philippine National Police Academy (PNPA).
Noong Biyernes Santo kasi ay naaresto ang tatlong kadete sa umano’y hazing ng 20 underclassmen na nagtamo ng sunog mula sa muriatic acid at drain cleaner chemicals.
Ayon kay Napolcom Vice Chairperson and Executive Officer Commissioner Rafael Calinisan, ang nakakaalarmang insidente ay “a blatant violation of the law, a direct affront to human dignity, and absolutely intolerable.”
Aniya, ang akademya na humuhubog sa mga susunod na lider ng PNP, ay dapat na magpakilala ng disiplina na naka-angkla sa respeto sa karapatang pantao at rule of law.
“The commission of hazing within its ranks represents a breakdown of discipline, leadership, and institutional accountability,” sinabi pa ni Calinisan sa isang pahayag.
Iginiit nito na ang hazing ay hindi dapat mangyari sa anumang pagkakataon lalo na sa institusyong ang tungkulin ay humubog ng mga susunod na law enforcers ng bansa.
Dahil dito ay inatasan ang task force na magsagawa ng “thorough, impartial, and expeditious investigation” upang malaman ang katotohanan at masiguro ang accountability.
“All individuals found to have direct and indirect participation in the hazing shall be held administratively liable, without prejudice to the filing of appropriate criminal charges under existing laws.”
Nagbabala din siya sa mga opisyal na bigong mapananatili ang disiplina at maprotektahan ang mga kadete na haharap din sa imbestigasyon.
“We will not allow a culture of violence, impunity, or institutional failure to take root in an academy meant to produce the very guardians of the law. This is a line that has been crossed-and it will be dealt with decisively,” sinabi ni Calinisan. RNT/JGC
