MANILA, Philippines – Nais pa rin umano ng mga Filipino na timbangin ang impeachment charges laban kay Vice President Sara Duterte sa pamamagitan ng ebidensya sa halip na ingay-politika, ayon kay Deputy Speaker Paolo Ortega V nitong Biyernes, Abril 10.
Sa resulta kasi ng WR Numero Research survey na inilabas noong Martes, nakita na 53 percent ang tutol sa impeachment ni Duterte habang 32 percent ang sumusuporta dito.
Sa kabila nito, sinabi ni Ortega na sa kaparehong survey ay nakita rin na 46 percent ang hindi alam ang mga ebidensya laban sa Bise Presidente dahilan para sa mas malalim pang deliberasyon ng Kamara.
“Let us be very clear: being against impeachment is not the same as believing she is innocent,” ani Ortega.
“In fact, the same survey shows… they still do not have enough information about the evidence and grounds behind the complaint.”
“This means the public’s mind isn’t closed yet. They are still waiting for the truth,” dagdag pa nito.
Nasa 1,455 Pinoy sa buong bansa ang isinama sa survey mula Marso 10 hanggang 17 at may error margin na ±3 percent.
Napag-alaman sa survey na 42 percent ng mga respondent ang pabor na bigyan ng mga mambabatas ng pagkakataon ang publiko na ikonsidera sa pagdedesisyon ng kaso, habang 29 percent ang nagsabi na ang boto ay dapat na nakabatay sa merito ng ebidensya.
“This destroys the false narrative that the public wants Congress to shut its eyes and walk away,” ani Ortega.
“The people want this process taken seriously.”
“They want the facts examined. They want the evidence weighed,” pagpapatuloy pa nito.
Pagdating naman sa ebidensya, napag-alaman sa survey na halos kalahati ng mga Filipino ang walang alam sa mga ebidensya na sumusuporta sa mga reklamo, habang 25 percent ang naniniwala na ang mga ebidensya ay mahina.
Samantala, 22 percent ang nagsasabing ang ebidensya laban kay Duterte ay malakas at pitong porsyento naman ang tumangging sumagot.
“That means nearly one in four Filipinos already believe there is real basis to hold Vice President Duterte to account,” sinabi pa ni Ortega.
“This is no joke. These are not small numbers. And it certainly isn’t proof that the public is convinced she is innocent.”
Ang survey ay isinagawa sa katatapos pa lamang na deliberasyon ng House Justice Committee kung ang mga reklamo laban kay Duterte ay sufficient in grounds na isang hakbang sa impeachment process bago naman ang pagsusuri sa mga ebidensya. RNT/JGC
