MANILA, Philippines – Nagsagawa ng apat na araw na joint maritime exercise ang mga militar ng Pilipinas, Estados Unidos, at Australia sa West Philippine Sea mula Abril 9 hanggang 12, ayon Armed Forces of the Philippines (AFP) nitong Lunes, Abril 13.
Sa pahayag, sinabi ni AFP public affairs office chief Colonel Xerxes Trinidad na ang Multilateral Maritime Cooperative Activity (MMCA) ay nagmarka ng ikalawang exercise ngayong taon kasama ang tatlong bansa.
Ipinadala ng AFP ang BRP Rajah Sulayman (PS20) ng Philippine Navy at Philippine Air Force FA-50 fighter jets, A-29B Super Tucano, C-208B aircraft, at Sokol search-and-rescue helicopter. Lumahok din ang Philippine Coast Guard sa pamamagitan ng BRP Melchora Aquino (MRRV 9702) nito.
Nagpadala naman ang Australian Defence Force ng HMAS Toowoomba (FFH156), suportado ng isang MH-60R helicopter at P-8A Poseidon aircraft habang ang Estados Unidos naman ay nagpadala ng USS Ashland (LSD-48).
Kabilang sa joint drills ang serye ng mga maritime operation:
Tampok sa aktibidad ang pagbibiyahe ng apat na Naval Combat Engineering Brigade equipment assets, na kinabibilangan ng payloader, telescopic crane, at dalawang concrete mixers, mula sa Manila Bay patungong Puerto Princesa City, Palawan sakay ng USS Ashland.
Ito ay aktwal na pagsasagawa ng logistics interoperability sa pagitan ng AFP at USINDOPACOM.
“The AFP reaffirmed its commitment to strengthening partnerships with like-minded nations to ensure maritime security, protect national interests, and contribute to peace and stability in the Indo-Pacific region,” sinabi ng AFP. RNT/JGC
