MANILA, Philippines – Sinuspinde ng pamahalaan ang pangongolekta ng delivery at pass-through fees na may kinalaman sa pagbiyahe ng mga kalakal sa Metro Manila bilang bahagi ng hakbang upang mapanatiling matatag ang presyo ng mga bilihin sa gitna ng umiiral na pressure sa suplay at transportasyon.
Inanunsyo ang hakbang nitong Martes ni Metropolitan Manila Development Authority Chair Don Artes.
Saklaw ng suspensiyon ang mga bayaring ipinapataw kaugnay ng paggalaw ng mga produkto sa National Capital Region at itinuturing itong price-stabilization measure upang mabawasan ang dagdag-gastos sa supply chain.
Layunin ng hakbang na pigilan ang posibleng panibagong pagtaas ng presyo ng mga pangunahing bilihin pagdating sa mga mamimili sa Metro Manila.
Inilatag ng MMDA ang polisiya bilang agarang interbensiyon upang makatulong sa pagpapanatiling matatag ng presyo sa merkado. Dave Baluyot
