MANILA, Philippines – Nagpositibo sa Paralytic Shellfish Toxin (PST) ang shellfish samples mula sa coastal waters ng Panguil Bay partikular sa Tangub City, Misamis Occidental, ayon sa Bureau of Fisheries and Aquatic Resources (BFAR).
Ang kumpirmasyon ay batay sa pagsusuri na isinagawa ng National Fisheries Laboratory Division ng BFAR Central Office gamit ang Receptor Binding Assay method, ayon kay BFAR Region 10 Director Edward Yasay.
Sa opisyal na red tide advisory na may petsang Mayo 16, ibinabala ng BFAR ang banta sa kalusugan ng tao at shellfish industry, at inabisuhan ang publiko na iwasan ang pagkuha, pagbebenta, at pagkain ng lahat ng uri ng shellfish at Acetes species, o kilala bilang “alamang” mula sa Panguil Bay.
Ani Yasay, ang isda, pusit, alimango at hipon ay ligtas kainin basta’t alisin ang lamang loob at linising mabuti bago lutuin at kainin. RNT/JGC
