MANILA, Philippines – Itinanggi ni Department of Information and Communications Technology (DICT) Secretary Henry Aguda ang mga ulat na siya ay nagbitiw sa kanyang puwesto.
“I remain focused on carrying out my responsibilities and ensuring the continuity of the department’s work,” ani Aguda.
Binigyang-diin niya na mahalagang magpatuloy ang trabaho ng DICT, lalo na ngayong host ang Pilipinas ng ASEAN at may mga isinusulong na regional engagements sa teknolohiya at innovation, kabilang ang ASEAN AI MSME event ngayong linggo.
Samantala, sinabi ni Palace Press Officer Claire Castro na wala rin siyang impormasyon tungkol sa umano’y pagbibitiw ni Aguda.
“Wala[ng] ganun impormasyon dahil kakausap pa lang natin kay Sec. Aguda, nagbigay siya ng larawan kay [PCO] Sec. Dave Gomez na patuloy ang trabaho niya as secretary ng DICT,” ani Castro sa mga reporter sa Singapore. RNT/MDS
