MANILA, Philippines – Hindi maaaring isilbi ang arrest warrant sa legal counsel ng suspected individual, ayon kay National Bureau of Investigation (NBI) Director Melvin Matibag nitong Biyernes, Mayo 22.
“Because the warrant should be served personally. That is under the Rules of Court. Hindi ko alam kung saan nanggaling ‘yung idea na ibigay mo sa abugado, siya mag se-serve. Baka nagkaroon lang ng mix up na ‘yung subpoena, ‘yung summons sa warrant,” sinabi ni Matibag sa press briefing.
“Iba po ‘yung warrant. The warrant of arrest under the Rules of Court should be received personally by the one being arrested,” dagdag pa niya.
Ito ay kasunod ng viral video ni Atty. Jimmy Bondoc, legal counsel ni Senador Ronald “Bato” Dela Rosa na nagsabing ang arrest warrant ng International Criminal Court (ICC) “may be served to the senator’s lawyers.”
Si Dela Rosa ay may arrest warrant sa “alleged criminal responsibility as an indirect co-perpetrator” sa crimes against humanity ng murder mula Hulyo 3, 2016 hanggang katapusan ng Abril 2018 kung saan 32 katao ang nasawi. RNT/JGC
