MANILA, Philippines – Binisita ng lider ng Armed Forces of the Philippines (AFP) ang Pag-asa Island para suriin ang kondisyon ng mga tropang nakaistasyon sa isa sa pinakamalayo at strategically sensitive outpost sa West Philippine Sea.
Bumiyahe si AFP Chief of Staff Romeo Brawner Jr. patungong Kalayaan Island Group nitong Biyernes, Mayo 22 para makipagkita sa mga tauhan na nakadeploy sa Pag-asa Island at ginawaran ng pagkilala ang mga tropa na nakatalaga sa lugar.
“We recognize that what you are doing here … is maintaining peace in this part of our country,” ani Brawner.
Nakipagkita rin ito kay Mayor Billy Alindogan ng Municipality of Kalayaan sa kanyang pagbisita sa Pag-asa Island.
Ang pagbisita ay bahagi ng liderato ng AFP na direktang makipag-ugnayan sa frontline personnel at imonitor ang operational readiness at kapakanan ng mga tropa. RNT/JGC
