MANILA, Philippines – Matinding pinalagan at kinondena ng Senate media ang paratang ni Senador Rodante Marcoleta na bayaran o “paid hacks” ang hanay ng media sa ginanap na pagdinig ng Senate Blue Ribbon Committee ni Senador Pia Cayetano.
Nitong Huwebes, itinuloy ni Senador Pia bilang chairman ng Senate Blue Ribbon Committee ang nakatakdang pagdinig sa 18 Marines na nagdala ng male-maleta nakulimbat na pondo mula sa flood control projects para sa ilang personalidad sa gobyermo.
Paratang ni Marcoleta na bayaran ang media na nagkokober ng ilang events sa buhay nito tulad ng kanyang 45 minutong pagsasalita sa rally ng Iglesia ni Cristo sa Luneta noon na walang bumanggit sa kanyang pangalan sa naging reports dito.
Ayon sa Senate media, masyadong iresponsable ang paratang ni Marcoleta na nababayaran ang kanilang hanay sa pagkober ng mga pagdinig sa Senado tulad ng ipinamamarali ng mambabatas.
“We, the members of the Senate media, condemn in the strongest possible sense the sweeping claim by Sen. Rodante Marcoleta that many members of the mainstream media are nothing more than paid hacks,” ayon sa statement.
Ipinaratang din ni Marcoleta na tumanggap ng male-maletang pera ang ilang miyembro ng media base sa sworn statement ng 18 dating marines na tumestigo sa Senado nitong Huwebes.
“Public officials, such as Marcoleta, who make serious allegations against journalists have a responsibility to present evidence instead of just relying on inflammatory rhetoric that undermines democratic institutions. Again, the press is not the enemy of any political faction. It is not an extension of any political machinery. Its allegiance must remain solely to the truth and to the public it serves,” ayon sa Senate media.
“The Fourth Estate exists to serve the public interest. Its duty is to pursue facts, verify information, question those in power, and report developments without fear or favor,” ayon sa pahayag ng media na komokober sa Senado.
“That mission becomes even more critical during periods of intense political conflict,” dagdag nila.
Kasabay nito, sinuportahan naman ni Senador JV Ejercito ang Senate media laban sa paratang ni Marcoleta sa pagsasabing “wala siyang nakitang bayaran sa hanay ng mamamahayag sa Mataas na Kapulungan.
“Sa tagal ko sa Senado, ako ay magpapatunay na ang mga reporters at mainstream media na naka-assign sa Senado ay hindi bayaran,” ayon kay Ejercito.
“Nakakalungkot na akusahan na bayaran ang mainstream media,” giit pa ng senador. Ernie Reyes
