Manila, Philippines — Ang prestihiyosong World Class Excellence Japan Awards ay magse-celebrate ng success habang ipinagdiriwang nito ang ika-10 Anibersaryo sa June 18, 2026, sa Heritage Hotel Manila.
Sa nakalipas na sampung taon, ang awards program ay nakilala sa pagbibigay-pagkilala sa mga natatanging indibidwal, organisasyon, negosyante, propesyonal, at mga lingkod-bayan na ang mga tagumpay ay may makabuluhang ambag sa kani-kanilang larangan.
Ang World Class Excellence Japan Awards ay naging isang iginagalang na plataporma na nagbibigay-diin sa kahusayan, inobasyon, pamumuno, at paglilingkod sa bayan.
Mula nang ito ay itatag, nananatili itong nakatuon sa pagbibigay-parangal sa mga inspiradong personalidad at institusyon na nagpapakita ng dedikasyon, integridad, at kahusayan sa Pilipinas at maging sa ibang bansa.
Pinangungunahan ang makabuluhang programang ito ni Emma Cordero, ang Chairman at Founder ng World Class Excellence Japan Awards.
Sa pamamagitan ng kanyang vision, dedication, at walang sawang pagsisikap, ang awards program ay lumago bilang isang internasyonal na kinikilalang plataporma na nagdiriwang ng tagumpay at naghihikayat sa mga indibidwal na itaguyod ang kahusayan sa kanilang propesyon at komunidad.
Sa loob ng sampung taon, masigasig na nagtrabaho si Emma upang pagdugtungin ang iba’t ibang kultura, industriya, at komunidad habang isinusulong ang mga pagpapahalaga sa pamumuno, empowerment, at social responsibility.
Ang kanyang dedikasyon sa pagkilala sa mga karapat-dapat ay nagbigay-inspirasyon sa maraming awardee na patuloy na mag-ambag ng positibong pagbabago sa lipunan.
Sa ilalim ng kanyang pamumuno, lalo pang lumawak ang saklaw ng organisasyon at tumibay ang kredibilidad nito bilang isang iginagalang na award-giving body.
Sa pagpasok ng World Class Excellence Japan Awards sa ikalawang dekada nito, nananatiling nakatuon si Emma sa pagpapataas ng antas ng pagkilala at sa pagdiriwang ng mga kwento ng tagumpay na nagbibigay-inspirasyon sa susunod na henerasyon.
Ang kanyang adbokasiya sa kahusayan ay patuloy na nagsisilbing pangunahing lakas ng tagumpay ng organisasyon.
Ang taong ito ay kinakatawan ng isang magkakaibang grupo ng mga lider, innovator, negosyante, artista, personalidad sa media, propesyonal, at mga lingkod-bayan na nagpakita ng kahanga-hangang tagumpay at impluwensya sa kani-kanilang larangan.
Ang kanilang dedikasyon, pagsisikap, at kahusayan ay sumasalamin sa mga pagpapahalagang nais bigyang-parangal ng World Class Excellence Japan Awards.
Ang ika-10 Anibersaryo ay inaasahang magiging isang gabi ng selebrasyon, pagkilala, at inspirasyon habang nagtitipon ang mga awardee, dignitaryo, business leaders, at mga espesyal na panauhin upang gunitain ang isang dekada ng pagbibigay-parangal sa kahusayan. Sa pagtingin sa hinaharap, nananatiling matatag ang organisasyon sa layuning kilalanin ang mga indibidwal na patuloy na nagpapabuti sa mga komunidad at nagdudulot ng positibong pagbabago.
Kabilang sa mga pinarangalan ngayong taon ang yumaong National Artist na si Nora Aunor, tumanggap ng 2026 World-Class Icon of Philippine Cinema and Performing Arts Award (Posthumous); ang yumaong si Pilita Corrales, ginawaran ng 2026 World-Class Queen of Songs Lifetime Achievement Award (Posthumous); broadcaster at public servant na si Ben Tulfo, tatanggal ng Champion of Truth and Accountability Award; si Persida Acosta, na tatanggap ng Excellence in Justice and Public Advocacy Award 2026; si Daniel Fernando, pararangalan bilang People’s Governor Excellence Award; at si Sam Verzosa, tatanggap ng Excellence in Entrepreneurship and Public Service Award.
Kabilang din sa mga pararangalan ang singer at philanthropist na si Imelda Papin (Ms. Kawanggawa–Charity Queen 2026), si Maffi Papin (World-Class Tourism Queen), mga batikang aktor na sina Rio Locsin at Angel Aquino (Best Supporting Actress in a TV Series), at si Mon Confiado (Best Supporting Actor in a TV Series).
Ang ilan pa na kasama sa listahan ng mga pinarangalan ngayong taon ay kinabibilangan din nina Khristine Vedeo (Achievement of Excellence Award 2026), Belle Gonzales (Global Business Excellence Award 2026), Jhoyce Saberon (Outstanding Entrepreneur and Business Owner Excellence Award 2026), at Mary Flor Macawile (Outstanding Beauty Queen 2026, Miss Queen of VOAA Universe 2017).
Ang benepisyaryo ng taong ito na awards night ay ang Voice of the Angels Foundation, isang charitable organization na patuloy na sumusuporta at nagpapalakas sa mga karapat-dapat na estudyante sa pamamagitan ng kanilang scholarship programs.
Sa paglipas ng mga taon, nakatulong ang foundation sa maraming iskolar upang maipagpatuloy ang kanilang pag-aaral at maabot ang kanilang mga pangarap, na nagdulot ng makabuluhang pagbabago sa kanilang buhay at komunidad.
Sa pamamagitan ng event na ito, layunin ng mga organizer na hindi lamang ipagdiwang ang kahusayan at tagumpay kundi mag-ambag din sa isang makabuluhang adbokasiya na nagtataguyod ng edukasyon, pag-asa, at mas maraming oportunidad para sa mga susunod na henerasyon. JP Ignacio
