MANILA, Philippines – Sinisi ni Mayor Sebastian “Baste” Duterte nitong Biyernes, Hunyo 5 ang Department of Environment and Natural Resources (DENR) sa lumalalang krisis sa basura dahil sa temporary closure ng landfill noong Mayo 22 kung saan naganap ang trash slide dalawang araw bago nito.
Sa pahayag, sinabi ni Duterte na ipinag-utos niya ang paglalagay ng garbage collection point sa harap ng DENR regional office upang maipakita ang tindi ng sitwasyon at makita mismo ng mga tauhan ng ahensya ang epekto ng landfill shutdown.
“Garbage collection operations are currently experiencing delays due to the closure of the New Carmen Sanitary Landfill as ordered by DENR, under the leadership of Secretary Juan Miguel Cuna,” sinabi ni Duterte.
“The longer this situation continues, the greater the risk of a public health and sanitation problem, not because of the waste itself, but because of the bureaucratic inaptitude of DENR.”
Ayon kay Duterte, pinili ng DENR na suspendihin ang buong operasyon nang hindi nagbibigay ng malinaw na timeline sa muling pagbubukas nito.
“To manage waste collection moving forward, we have identified additional collection points, including one in front of the DENR XI office, so they can personally appreciate the volume of garbage that accumulates when an essential public service is halted indefinitely,” aniya.
“We are complying with all requirements. We only hope that decisions affecting around 750 tons of waste daily and nearly two million Dabawenyos are guided not only by regulations, but also by practical realities and common sense,” dagdag ng alkalde.
Sa pahayag, sinabi ng DENR-Davao Region na nakikipagtulungan ito sa lokal na pamahalaan para solusyunan ang mga isyu sa solid waste management system ng Davao City partikular ang patungkol sa kaligtasan at stability ng landfill activity. RNT/JGC
