VENEZUELA – Sinabi ni US President Donald Trump na naglunsad ang US ng strike na nakapatay kay Hector Rusthenford Guerrero Flores, o kilala bilang Niño Guerrero, lider ng Venezuelan prison gang na Tren de Aragua.
“At my direction, the United States Southern Command delivered a swift and lethal kinetic strike to successfully execute Nino Guerrero the infamous leader of Tren De Aragua, one of the most bloodthirsty Terrorist Organizations on Planet,” sinabi ni Trump nitong Biyernes ng gabi, Hunyo 12.
“This action was coordinated closely with our friends in Venezuela, with whom we are working very well.”
Sinabi naman ni Pentagon chief Pete Hegseth na ang strike ay isinagawa ngayong linggo at si Guerrero “was confirmed killed during the strike.”
Nagkaroon ng sagupaan sa mga miyembro ng kriminal na grupo, ayon naman sa information ministry ng Venezuela kung saan kabilang sa operasyon ang specialized technological support at isinagawa sa pagtutulingan at intelligence-sharing sa pagitan ng mga awtoridad ng dalawang bansa.
Paulit-ulit nang tinatarget ng administrasyon ni Trump si Guerrero at iba pang lider ng Tren de Aragua organization na may sanction sa umano’y kaugnayan sa mga kriminal na aktibidad kabilang ang illicit drug smuggling, human trafficking at money laundering.
Itinalaga rin ng State Department ang Tren de Aragua bilang foreign terrorist organization. RNT/JGC
