MANILA, Philippines – Naniniwala si Manila City 3rd District Rep. Joel Chua na tanging ang mga senator-judge na lalahok sa impeachment trial ni Vice President Sara Duterte ang maaaring magdesisyon sa conviction o acquittal ng Bise Presidente.
Ito ang sagot ni Chua nang tanungin nitong Sabado, Hunyo 13 kung magiging isyu ba sa House prosecution panel ang bilang ng mga senador na lalahok sa paglilitis.
Si Senador Jinggoy Estrada kasi ay kamakailang naaresto dahil sa reklamong plunder, habang si Senador Ronald “Bato” Dela Rosa naman ay nagtatago dahil sa arrest warrant mula sa International Criminal Court.
“This is a big issue when it comes to numbers because personally, I believe that only those who participate in the impeachment trial can vote,” sinabi ni Chua.
“Because first of all, how can you vote if you are not participating in the impeachment trial?” dagdag pa niya.
Si Duterte ay inimpeach ng Kamara noong Mayo 11 dahil sa apat na grounds, ang umano’y maling paggamit ng confidential funds sa ilalim ng Office of the Vice President at Department of Education (DepEd); umano’y unexplained wealth; umano’y pamamahagi ng monetary gifts o bayad sa mga opisyal ng DepEd; at bantang ipapapatay sina Pangulong Ferdinand Marcos Jr., First Lady Liza Marcos, at dating House Speaker Martin Romualdez.
Miyembro si Chua ng 11-member House prosecution panel sa impeachment trial ni Duterte.
Siya ay itinalaga bilang second lead prosecutor na hahawak sa Article I ng umano’y maling paggamit ng confidential funds; at lead prosecutor para sa Article III ng umano’y distribusyon ng monetary gifts sa high-ranking officials ng Department of Education.
“It can be compared to a court hearing where the judge can assess the demeanor of the witness if they are saying the truth or not,” ani Chua.
“Part of their judgment rendering is based on mannerism on the conduct of witnesses in the witness stand,” ipinunto pa niya.
Iginiit ni Chua na mahalaga para sa mga senator-judge na suriin ang kilos at salita ng mga saksi upang matukoy kung nagsisinungaling ang mga ito o hindi.
Aniya, ang isyu ay hindi maaaring maiangat sa Korte Suprema ngunit sinabing posible ang quorum patungkol dito.
“It’s not bad if it is applied here. The basis of the quorum is on 22, and not 24, because decisions not based on quorum seems not right,” dagdag ni Chua.
Samantala, sinabi naman ni Chua na mananatili ang ‘burden of proof’ sa prosecution team sa oras na hindi humarap si Duterte sa paglilitis.
“If we properly present the pieces of evidence, it’s up to them how they will rebut the evidence presented. It’s up to them who they will choose to explain, may it be the vice president or the staff,” dagdag pa. RNT/JGC
