MANILA, Philippines – Hindi pakikialaman ng Senado ang desisyon ng Sandiganbayan sa suspensiyon ni Senador Jinggoy Estrada sa loob ng 90 araw sa kasong plunder o pandarambong sa kaban ng bayan, atbp. kaugnay ng flood control scandal.
Inihayag ni Senate President Sherwin “Win”Gatchalian na hindi hihilingin ng Senado na aalisin ang 90-days preventive suspension ni Estrada na bukod sa plunder, nahaharap din sa kasong graft and corruption.
Ikatlong beses na siyang nakasuhan ng graft and corruption simula noong 2001 at pork barrel scandal.
“We cannot file to Sandigan kasi (because) we’re not a party of interest,” giit ni Gatchalian.
Dahil hindi makadadalo si Estrada sa impeachment trial, hindi ngayon malinaw ang bilang ng senator-judges na maaaring humatol ng guilty kay Vice President Sara Duterte.
Umuugong sa ilang sektor na maaaring bawasan ang bilang ng senator-judge na i-convict si Duterte pero, ayon kay Gatchalian, kanyang susundin ang 1987 Constitution.
Naunang sinabi ni Senador Panfilo Lacson na maaaring maghain ng mosyon si Estrada sa korte na dumalo sa impeachment trial sa araw, at balik-preso sa gabi sa tulong ng Bureau of Jail Management and Penology (BJMP) personnel.
Sinabi naman ni Senador Risa Hontiveros na pag-uusapan pang lahat bagay ng Senado bilang impeachment court. Ernie Reyes
