GMA, may reax sa isyu ng ex-Marines kay Igan!

Manila, Philippines – Hindi tatantanan ni Arnold Clavio ang nandadawit sa kanya sa umano’y maletang naglalaman ng pera ng bayan.

Ayon sa newscaster, handa siyang humarap sa korte.

Ani Igan: “Lies! Nakakatawa. Nakakalungkot. Pero lahat ng ito’y haharapin ko nang walang takot.

“Talk is cheap. Bago ang dada, ebidensya muna!”

Hindi raw natatakot si Igan dahil, aniya, wala naman siyang itinatago.

Tinawag niyang “walang kuwenta-kuwentang bintang” iyon.

Nang tanungin kung sino ang kanyang tinutukoy, sinabi niya: “Some discharged without honor (Marines) due to illegal drugs!”

Ipinost din ni Arnold ang pahayag ng GMA tungkol sa paratang sa kanya.

“GMA Network has noted the statements made during a press conference earlier today.

“The network takes matters involving the integrity of our journalists seriously. The network will evaluate the matter further.

“GMA Network remains committed to responsible journalism. We ask the public to refrain from drawing conclusions based on unverified information.”

Nagpasalamat naman si Igan.

Makikita ang komento ni Lino Cayetano na emojis ng Philippine flag at clasped hands in prayer sa post ni Igan.

Ronnie Carrasco III