MANILA, Philippines – Pwede nang makakuha ng visa-on-arrival sa UAE ang mga Pinoy na bibiyahe patungong United Arab Emirates gamit ang Philippine passports kung ito ay may valid visa, residence permit, o Green Card mula sa ilang bansa.
Ayon sa Department of Foreign Affairs (DFA), ang grant ay epektibo ngayong Huwebes, Hunyo 25, 2026, para sa mga Filipino na may travel documents mula sa United States of America, European Union member states, Australia, Japan, Singapore, Republic of Korea, Canada, at New Zealand.
Sa mga nagnanais na manatili sa UAE sa loob ng 14 na araw ay magbabayad ng United Arab Emirates dirham (AED) 100 at pwedeng palawigin ng karagdagang 14 araw sa bayad na AED 250.
Kailangan naman ang bayad na AED 250 para sa mga biyahero na nais manatili ng 60 araw na non-extendable.
“The visa-on-arrival privilege extended to Filipino citizens by the UAE was in view of the excellent bilateral relations between the Philippines and the UAE,” sinabi ng DFA. RNT/JGC
