VATICAN – Pinagkalooban ni Pope Leo XIV ng pontifical coronation ang imahe ni Maria, Ina ng Kapayapaan sa Montalban (Rodriguez), Rizal, na kinikilala ang espirituwal na kahalagahan nito sa mga mananampalataya.
Sa isang social media post, inilarawan ni Antipolo Bishop Ruperto Santos ang pagkilala bilang “malalim na biyaya” para sa Diyosesis ng Antipolo at isang pagpapala sa pagdiriwang ng Jubilee Year.
Isinumite ng Diyosesis ng Antipolo ang kahilingan noong April 30, 2026. Ipinaliwanag ni Santos na hindi ito tagumpay ng diyosesis, kundi isang “mapagbigay na regalo” mula sa Diyos.
“Paalala ito na ang Mahal na Birheng Maria ay patuloy na sumasama sa kanyang mga anak, at lagi tayong inaakay patungo sa kanyang Anak, si Hesukristo, ang Prinsipe ng Kapayapaan,” aniya.
Nanalangin din siya para sa pamamagitan ng Mahal na Birhen para sa kapayapaan sa bansa at sa buong mundo. Jocelyn Tabangcura- Domenden
