Mga dokumentong may petsang bago mag-2022 dapat isama sa impeachment trial ni VP Sara – Ridon

MANILA, Philippines – Iginiit ni House Prosecutor at Bicol Saro Party-list Representative Terry Ridon na dapat isama bilang ebidensya ang mga dokumentong may petsa bago ang 2022 sa impeachment trial ni Vice President Sara Duterte.

Ayon kay Ridon, mahalagang masuri ang mga rekord mula 2007 hanggang 2024 upang makita kung paano nabuo at lumaki ang yaman ng Bise Presidente.

“We have to be very clear that you cannot reach 88.5 million in 2024 without starting from a particular date ‘di ba? Which is why 2007 up until 2024 are relevant dates relating to the current network of the Vice President which is specifically on a unexplained wealth,” ani Ridon.

Isinagawa ngayong Huwebes, Hunyo 25 ang pagpapatuloy ng impeachment pretrial na dinaluhan ng prosecution team at ng defense team ni Duterte.

Umaasa naman si Defense spokesperson Atty. Michael Poa na nasa ikalimang araw na ng pretrial at umaasang matatapos na ito.

“We are very optimistic that we will be able to finish pre-marking by the end of the day today,” ani Poa. RNT/JGC