MANILA, Philippines – Niyanig ng magnitude 5.3 na lindol ang Sarangani nitong Huwebes, Hunyo 25, ayon sa Philippine Institute of Volcanology and Seismology (Phivolcs).
Naitala ang epicenter ng lindol sa kanluran ng Balut Island, Sarangani, Davao Occidental bandang 12:03 ng hapon.
Tectonic in origin ang lindol at may lalim na 10 kilometro.
Ang naturang lindol ay aftershock pa rin ng magnitude 7.8 na lindol na tumama sa Sarangani noong Hunyo 8.
Inaasahan ang mas marami pang aftershock sa mga susunod na araw.
Naitala naman ang intensity II sa General Santos City habang instrumental intensities naman ang naitala sa mga sumusunod na lugar:
Intensity III: General Santos City; Maasim, Malapatan, and Kiamba, Sarangani; T’Boli, South Cotabato
Intensity II: Malitbog, Bukidnon; Palimbang, Sultan Kudarat; Tupi, South Cotabato; Maitum at Malungon, Sarangani
Intensity I: Suralla, Tampakan, and Koronadal City, South Cotabato; Digos City, Davao del Sur. RNT/JGC
