MANILA, Philippines – Dalawang manggagawa ang nasawi nang gumuho ang hukay sa kalsada sa Barangay Pamplona II, Las Pinas City.
Kinumpirma ni Fire Superintendent Sonny Carlo, city fire marshal ng Bureau of Fire Protection (BFP) -Las Piñas, ang pagkakakuha sa katawan ng dalawang nasawi nitong Lunes, Hunyo 29.
Mayroon namang tatlong manggagawa ang nakaligtas, kung saan isa sa mga ito ang dinala sa ospital.
“‘Yung dalawa na worker nag-survive naman po. Hindi naman agad na-trap. Then ‘yung isa po dinala po sa ospital. Sugatan po siya. Then meron po remaining two na na-trap but ito po naman na-recover. Mga sinawing palad na po ito, sir. Dalawa po ang patay dito, sir, sa insidenteng ito,” pahayag ni Las Piñas City Police Assistant Chief of Police for Operations Police Lieutenant Colonel Teoson Rosarito sa panayam ng DZBB.
“Pailalim po. Almost 18 meters ang lalim ng kanilang hinuhukay, when suddenly, nag-collapse ito and then na-trap ang limang tao sa ilalim nung hinuhukay nila,” dagdag pa.
Ayon kay Rosarito, ang insidente ay nangyari 2:52 ng hapon araw ng Linggo.
Samantala, kinumpirma ng water concessionaire na Maynilad na ang aksidente ay nangyari sa kanilang project site.
“We regret to confirm that an accident occurred yesterday afternoon at one of our project sites in Pamplona, Las Piñas,” sinabi ng kompanya.
“Emergency response was immediately initiated, and we coordinated closely with the Bureau of Fire Protection (BFP), the barangay, and the local disaster response authorities. Retrieval operations are ongoing and are being led by the BFP,” dagdag pa.
“Our thoughts are with the workers and their families during this difficult time. We are coordinating with our contractor to ensure that the affected workers and their families receive the necessary assistance and support,” ayon sa Maynilad.
“Work at the site has been suspended, and we are fully cooperating with the concerned authorities in their investigation to determine the circumstances surrounding the incident. As the investigation is ongoing, we are not in a position to comment further at this time,” pagtatapos nito. RNT/JGC
