MANILA, Philippines – Magbibigay ang Department of Migrant Workers (DMW) ng libreng health services para sa mga OFW at kanilang pamilya sa Migrant Workers Health Summit sa Hunyo 30 hanggang Hulyo 1, 2026 sa Occupational Health and Safety Center (OSHC) sa Quezon City.
Kabilang sa mga libreng serbisyo ang check-up para sa hypertension, diabetes at nutrisyon, cancer screening, tuberculosis at HIV testing, eye at dental services, masahe, gupit, at tulong mula sa PRC, PhilHealth, SSS, at iba pang partner agencies.
Ayon kay DMW Undersecretary Dominique Rubia-Tutay, isa sa mga karaniwang sakit ng OFWs ang cancer, lalo na ang cervical at breast cancer sa Hong Kong. Sa Middle East naman, madalas na naitatala ang sakit sa bato (kidney disease), na posibleng may kaugnayan sa kalidad ng tubig sa rehiyon. RNT/MDS
