MANILA, Philippines – Nanindigan ang Ateneo de Manila na hindi empleyado ng unibersidad si dating Blue Eagles Coach Thomas Anthony “Tab” Baldwin.
Giit ng legal counsel ng Ateneo, consultancy agreement lang ang kontra kay Baldwin kaya wala silang kontrol sa coaching duties nito kaya walang relasyong employer-employee na umiiral.
Humiling naman ng paglilinaw si Tolentino sa pagkakaiba ng consultancy agreement at employment contract gayundin sa pinagmumulan ng kagawaran ni Baldwin.
Sinabi ng abogado ng Ateneo na wala silang alam sa detalye ng kagawaran pero bilang regalo na sponsor ng MVP Group of Companies, ang koponan ng Ateneo men’s basketball at maaaring kasama rin dito ang kabayaran ni Baldwin.
Ang paglilinaw na ito ng abogado ng unibersidad ay bahagi ng isinasagawa ng clarificatory hearing ng Department of Labor and Employment (DOLE) sa estado ng trabaho ni Baldwin sa bansa kasunod ng nangyaring insidente sa Dipaculao, Aurora kung saan dalawang atleta ang nalunod at namatay.
Sa clarificatory hearing na ito, hindi naman nakaharap o nakadalo a ang ADMU President Roberto Yap dahil may naunang mahalagang iskedyul na kailangan niyang daluhan.
Ayon kay Tolentino, hindi na rin kailangan pang dumalo si Fr. Yap dahil mayroong naman itong abogado. Jocelyn Tabangcura-Domenden
