MANILA, Philippines – Ipinakilala ng Technical Education and Skills Development Authority (TESDA) ang bagong electronic Know-Your-Customer (eKYC) feature sa TESDA Skills Passport nito, at nagdaragdag ng matibay na identity verification measures upang maprotektahan ang mga jobseekers at mag-aaral na gumagamit ng digital platform.
Ang bagong eKYC feature ay nagbibigay-daan sa mga user na iberipika muna ang kanilang pagkakakilanlan sa pamamagitan ng ilang secure options.
Kabilang dito ang pag-match ng personal information sa Philippine Identification System (PhilSys) kasama ang liveness check, o paggamit ng National ID number o QR code.
Maaari rin iberipika ng users ang kanilang identity sa pamamagitan ng ilang government-issued IDs, katulad ng passport, driver’s license, SSS ID, GSIS eCard, UMID, Postal ID, Voter’s ID, o PhilHealth ID.
Sinabi ni TESDA Secretary Kiko Benitez na ang enhanced verification process ay nagpapalakas sa plataporma bilang trusted at secure repository ng learners’ skills, qualifications, certifications at training records.
“The TESDA Skills Passport empowers Filipinos to take charge of their skills development journey. It provides a digital identity that can help learners and workers showcase their competencies, access opportunities, and connect with employment and training services more efficiently,” ani Benitez.
Ini-roll out ng TESDA ang eKYC feature kasabay ng patuloy na pagkakaroon ng user ng Skills Passport sa buong bansa.
Ang platform ay mayroong 243,899 downloads, 194,655 sa Android at 49,244 sa iOS, at 179,284 registered users.
“Through the TESDA Skills Passport, we are making it easier for Filipinos to build their careers through tech-voc, connect with opportunities, and document their competencies. I encourage all learners, workers, and job seekers to download the app on their smartphones so they can readily upgrade their careers,” dagdag ni Benitez.
Sinabi ng TESDA na nakikipagtulungan din ito para i-integrate ang Skills Passport sa scholarship programs at iba pang learner services bilang bahagi ng mas malawak na digital transformation efforts, at nakikita ang plataporma bilang seamless ecosystem na nag-uugnay sa training, assessment, certification, scholarships, at employment.
Maaaring ma-download ang TESDA Skills Passport sa Android at iOS devices. RNT/JGC
