MANILA, Philippines – Umaasa ang House prosecution panel na haharap si Vice President Sara Duterte sa impeachment trial upang sagutin ang mga alegasyon laban sa kanya.
Ayon kay Representative Ysabel Maria Jorge Zamora-Jornada, miyembro ng prosecution panel, ang presensya ni Duterte ay magbibigay-daan upang maipaliwanag niya ang kanyang panig.
“Gusto natin as prosecutors na mag-appear ang ating Vice President, ang ating respondent. Sana po, ang ating public, ayun din ang kagustuhan. Dahil gusto natin siyang humarap, gusto natin siyang sumagot sa mga allegations, charges against her. Dapat lang talaga magpakita siya sa impeachment trial niya,” anang mambabatas.
Sa ikalawang araw ng impeachment trial noong Hulyo 7 ay dumating sa Senado si Duterte para makipagkita sa mga defense lawyer nito at nagdaos ng maikling press conference.
Samantala, ipipresenta naman ng House prosecution panel si Zuleika Lopez, chief of staff ng Office of the Vice President, bilang witness sa impeachment trial bukas, Hulyo 14. RNT/JGC
