MANILA, Philippines – Sinuportahan ni dating presidential spokesperson Salvador Panelo ang kampanya ng Trump administration laban sa International Criminal Court, na inakusahan niyang lumalabag sa soberanya ng mga bansang hindi miyembro nito, kabilang ang Pilipinas.
Inilarawan ni Panelo bilang “long in coming” ang whole-of-government campaign ng United States upang pigilan ang mga operasyon ng ICC.
“The Trump administration’s launching of a government-wide campaign against the International Criminal Court (ICC), vowing to pressure countries to withdraw from the tribunal and accusing it of threatening U.S. sovereignty, as well as the sovereignty of other countries such as the Philippines, Russia, and Israel, is long in coming,” pahayag ni Panelo.
“It is about time the bullying of the ICC stopped,” aniya. “The withdrawal of countries from the ICC will result in its well-deserved obliteration,” dagdag niya.
Binanggit din ni Panelo ang pag-aresto at pagkakakulong kay former President Rodrigo Duterte kaugnay ng imbestigasyon ng ICC sa umano’y crimes against humanity na may kaugnayan sa kanyang kampanya laban sa ilegal na droga.
“The illegal and unforgivable incarceration of former President Rodrigo Roa Duterte, which intruded into our country’s sovereignty with the cooperation of the Marcos Jr. administration, is a classic example of the ICC’s unlawful intrusion into countries that are not members of the tribunal,” sinabi niya.
“The ICC, by its intrusive and illegal actions against non-members, must be stopped at all costs,” dagdag ni Panelo.
Inilabas niya ang pahayag matapos ianunsyo ni U.S. Secretary of State Marco Rubio noong Hulyo 13 ang isang malawakang diplomatic campaign laban sa itinuturing ng Washington na banta ng ICC sa soberanya ng Amerika.
Ayon sa U.S. State Department, layunin ng kampanya na “systematically disable” ang kakayahan ng ICC na mag-imbestiga o magsakdal sa mga tauhan ng militar at opisyal ng pamahalaan ng Amerika.
Kabilang sa mga hakbang ang paghikayat sa mga bansa na kumalas sa Rome Statute, masusing pagsusuri sa mga bansang sumusuporta sa ICC habang tumatanggap ng tulong mula sa United States, paghikayat sa mga non-member state na tutulan ang hurisdiksiyon ng tribunal, at posibleng pagpataw ng visa restrictions, travel bans at mas malawak na sanctions laban sa ICC officials at mga kaakibat na organisasyon.
Matagal nang iginiit ng United States na walang hurisdiksiyon ang ICC sa mga mamamayan nito dahil hindi ito kasapi ng Rome Statute.
Kumalas ang Pilipinas sa kasunduan noong 2019 sa ilalim ng Duterte administration. Gayunman, pinaninindigan ng ICC na may hurisdiksiyon pa rin ito sa mga umano’y krimeng naganap habang miyembro pa ng korte ang bansa.
Nananatiling isa sa mga pinakatinututukang international legal case na kinasasangkutan ng Pilipinas ang imbestigasyon ng ICC sa anti-drug campaign ni Duterte. Dave Baluyot
